Գլխավոր Էջ MediaHub TV Միջազգային կառույցներից հստակ ակնկալիք չկա, բայց պետք է դիմել․ Բաքոյան

Միջազգային կառույցներից հստակ ակնկալիք չկա, բայց պետք է դիմել․ Բաքոյան

MediaHub TV3 Հոկտեմբեր 2022 | 12:09Անի Գևորգյան

Մենք որևէ խնդիր չունենք չանդրադառնալու, միջազգային մարմիններին դիմել ենք։ Այդ մասին այսօր ԱԺ-ում լրագրողների հետ զրույցում ասաց ՔՊ-ական պատգամավոր Ռուստամ Բաքոյանը՝ պատասխանելով հարցին, թե ինչո՞ւ ԱԺ մարդու իրավունքների պաշտպանության մշտական հանձնաժողովի նիստը չսկսվեց Ադրբեջանի կողմից հայ ռազմագերիների գնդակահարությունը դատապարտող հայտարարությամբ։

Նրա խոսքով՝ միջազգային կառույցներից հստակ ակնկալիք չկա, բայց պետք է դիմել ու հետևողական աշխատանքներ տանել։

«Միջազգային մի շարք մարմինների ենք դիմել»,- նշեց նա։

Բաքոյանի խոսքով, խաղաղության պայմանագրի շուրջ բանակցություններն, իր կարծիքով, չպետք է դադարեցվեն։ Բայց և այնպես, պետք է միջազգային ատյանները դատապարտեն այդ ամենը, ինչն էլ Ադրբեջանում կմեղմի ատելության մթնոլորտը։

Հարցին, թե Սաֆարովին հերոսացրած հանրությունից ի՞նչ է սպասում, Բաքոյանը պատասխանեց՝ Սաֆարովի անունը տալ պետք չէ։

Մանրամասները՝ տեսանյութում։