ՀԱՊԿ առաքելությունը գլխավոր քարտուղար Ստանիսլավ Զասիլովի գլխավորությամբ ժամանել է Հայաստան, հայտնել Է կազմակերպության մամուլի քարտուղար Վլադիմիր Զայնետդինովը, հաղորդում է ՌԻԱ Նովոստին։
«Առաքելության վրա դրված են ստեղծված իրավիճակի գնահատման, տարածաշրջանում իրավիճակի վերաբերյալ ՀԱՊԿ անդամ պետությունների ղեկավարների համար հանգամանալից զեկույց պատրաստելու և Հայաստանի ու Ադրբեջանի սահմանին առանձին շրջաններում առաջացած լարվածության ապաէսկալացման վերաբերյալ առաջարկությունների մշակման խնդիրներ», - ասել է նա:
Զայնետդինովը հավելել է, որ առաքելության կազմում ընդգրկված են ՀԱՊԿ անդամ պետությունների ներկայացուցիչներ, որոնք կազմակերպության աշխատանքային մարմինների աշխատակիցներ են: Նրանք կուսումնասիրեն սահմանային իրավիճակը, ինչպես նաև հանդիպումներ կունենան Հայաստանի բարձրագույն քաղաքական և ռազմական ղեկավարության հետ։
Հիշեցնենք, որ նախօրեին Հայաստանում իր աշխատանքն է ավարտել առաքելության առաջատար խումբը՝ Միացյալ շտաբի պետ գեներալ-գնդապետ Անատոլի Սիդորովի գլխավորությամբ։
