Իրանի Իսլամական Հանրապետության նախագահ Հասան Ռոհանին շնորհավորական ուղերձ է հղել Նիկոլ Փաշինյանին վարչապետ ընտրվելու կապակցությամբ: «Հայաստանի Հանրապետության վարչապետ, հարգելի պարոն Նիկոլ Փաշինյան, Սրտանց շնորհավորում եմ Ձեզ ՀՀ վարչապետի պաշտոնում ընտրվելու կապակցությամբ: Հուսով եմ, որ Ձեր պաշտոնավարման ընթացքում ականատեսը կլինենք երկկողմ հարաբերությունների օրեցօր զարգացմանը եւ խորացմանը: Աստծուց հայցում եմ Ձեզ առողջություն եւ հաջողություն, իսկ Հայաստանի ժողովրդին՝ բարեկեցություն եւ երջանկություն»,- ասված է ԻԻՀ նախագահի ուղերձում: