Ադրբեջանցիների վերահսկողությանը հանձնվող բնակավայրերից` Բերձորից, Աղավնոյից եւ Սուսից տարհանվել են մոնումենտալ արվեստի հուշարձանները, մնացել է միայն Բերձորի կենտրոնական խաչմերուկի հուշաքարը: Այս մասին NEWS.am-ին հայտնեց Արցախի Հանրապետության կրթության, գիտության, մշակույթի և սպորտի փոխնախարար Լեռնիկ Հովհաննիսյանը:
«Տարհանումը վերջնական կտարհանենք երկուշաբթի օրը եւ արդեն Արցախի թեմի եւ մյուս շահագիգիռ կողմերի հետ կքննարկենք եւ արդեն որոշում կկայացնենք, թե որտեղ կտեղակայվեն այս հուշարձաններն ու խաչքարերը»,-ասաց նա:
Հիշեցնենք, որ Արցախի տարածքային կառավարման ու ենթակառուցվածքների նախարար Հայկ Խանումյանը Աղավնոյի եւ Բերձորի բնակիչներին տեղեկացրել է, որ մինչեւ օգոստոսի 25-ը պետք է լքեն իրենց տները։
