ԱՀ առողջապահության նախարարության աջակցությամբ, «Վիրաբույժները գործում են» հիմնադրամի և «Հայաստանի Բարեկամներ Բժշկական Ասոցիացիա»-յի հետ համատեղ սեպտեմբերի 19-ից մինչև 23-ը Ստեփանակերտի «Հանրապետական բժշկական կենտրոն»-ում, «Արևիկ» բուժմիավորումում, Մարտակերտի և Մարտունու շրջանային բուժմիավորումներում իսպանացի բժիշկների 40 հոգանոց թիմի կողմից կիրականացվեն բարեգործական վիրահատություններ Արցախի բնակիչների համար:
Այս մասին տեղեկացնում են ԱՀ առողջապահության նախարարությունից: Աղբյուրի տեղեկատվությամբ վիրահատությունները կատարվելու են հետևյալ ոլորտներում.
• Անոթային վիրաբուժություն
• Պլաստիկ վիրաբուժություն
• Ինտերվենցիոն սրտաբանություն
• Մանկական վիրաբուժություն
• Ընդհանուր վիրաբուժություն
• Ուրոլոգիա
• Օդոնտոլոգիա
Լրացուցիչ տեղեկությունների համար անհրաժեշտ է զանգահարել «Հանրապետական բժշկական կենտրոն»՝ (047)94-13-50, «Արևիկ» բուժմիավորում՝ (047)94-55-01, «Մարտակերտի Ռ. Բազյանի անվան ՇԲՄ»՝ +37447421126 կամ +(374)47421382, «Մարտունու ՇԲՄ» ՝ +(374)47821103 հեռախոսահամարներով:
