Ղազախստանում անկարգությունների ժամանակ զոհվել է 225 մարդ, այդ թվում՝ անվտանգության 19 աշխատակից` ոստիկան և զինվորական։ Այս մասին ՏԱՍՍ գործակալության փոխանցմամբ հայտնել են երկրի դատախազությունից։
Անկարգությունների ժամանակ տուժել է 4578 մարդ։

Ղազախստանի իրավապահ մարմիններն էլ 446 մարդու են ձերբակալել զանգվածային անկարգությունների փաստերի վերաբերյալ քրեական գործերի հետաքննության ընթացքում, հայտնել Է Ղազախստանի գլխավոր դատախազության քրեական հետապնդման ծառայության պետ Սերիկ Շալաբաեւը:

Երկրի առողջապահության նախարարության հասարակայնության հետ կապերի դեպարտամենտի տնօրեն Ասել Արտակշինովան էլ հաղորդել է, որ Ղազախստանի ավելի քան 2,600 բնակիչ բժշկական օգնության են դիմել անցած շաբաթ արտակարգ դրության ռեժիմ սահմանելու պահից։