Շաբաթ օրը՝ մայիսի 12-ին, 10-ամսական երեխան մահացել է. պատճառն այն է, որ նրա ծնողները որոշել են սելֆի անել շարժասանդուղքի վրա: Ողբերգությունը տեղի է ունեցել Գանգանագարայում:
Ականատեսները պատմել են (և դա հաստատել են նաև տեսախցիկների ձայնագրությունները), որ սկզբում ամուսինները սմարթֆոնի օգնությամբ լուսանկարվել են շարժասանդուղքի մոտ: Հետո նրանք դրանից հեռացել են, բայց այդ ժամանակ ամուսինը միտքը փոխել է: Նա կնոջն առաջարկել է վեր բարձրանալ և ևս մեկ սելֆի անել:
Կինը համաձայնել է: Նրանք սկսել են բարձրանալ շարժասանդուղքով, ամուսինը մի քիչ թեքվել է, որպեսզի, հավանաբար, ավելի լավ երևա կադրում, և այդ պահին փոքրիկը դուրս է պրծել նրա ձեռքից:
Նա թռել է երեք հարկ և ջախջախվել հատակին:
Ծնողները վազել են նրա ետևից: Նրանք փոքրիկին հասցրել են հիվանդանոց, սակայն բժիշկները անկարող են եղել…
Ոստիկանությունը, ուսումնասիրելով տեսագրությունները և վկաների ցուցմունքները, հանգել է այն եզրակացության, որ երեխան մահացել է ողբերգական պատահականության հետևանքով:
«Քրեական գործ չի բացվի»,- հայտարարել է ոստիկանության ներկայացուցիչը:
