Մի խումբ ճապոնացի գիտնականներ Տոկիոյի բժշկական գիտությունների ինստիտուտից պատվաստանյութ են մշակում կորոնավիրուսի դեմ, որը կարող է մարդու օրգանիզմը պաշտպանել ողջ կյանքի ընթացքում: Ինչպես հաղորդում է ՏԱՍՍ գործակալությունը՝ հղում անելով տեղի աղբյուրին, դեղամիջոցի կլինիկական փորձարկումները կարող են սկսվել 2023 թվականին: Մասնագետները որպես հիմք վերցրել են ծաղիկի դեմ պատվաստանյութը, որը մշակվել է 18-րդ դարում: Այն պարունակում է մարդու համար ոչ վտանգավոր «բնական ծաղիկ» վիրուսը և արդյունքում օգնել է մարդկությանը հաղթահարել մահացու հիվանդությունը: