Դատարանը 63-ամյա կենսաթոշակառու Գրիգոր Պետրոսյանին մեղավոր է ճանաչել ՀՀ քրեական օրենսգրքի 118-րդ հոդվածով՝ ծեծը, անչափահասին ծեծելու համար ու նրա նկատմամբ պատիժ նշանակել տուգանք` ՀՀ-ում սահմանված նվազագույն աշխատավարձի վաթսունապատիկի` 60 000 ՀՀ դրամի չափով:
Ըստ մեղադրանքի, կենսաթոշակառուն 2018 թվականի մարտի 11-ին` ժամը 12:30-ի սահմաններում, փողոցով անցնող ոռոգման առվի մեջ քարեր նետելու համար ծեծի է ենթարկել անչափահաս տղային:
Մասնավորապես, մեկ անգամ ապտակել է նրան, որից վերջինս ընկել է, այնուհետև մեկ անգամ ոտքով հարվածել է և մեկ անգամ ապտակել աստիճանների վրա ընկած վիճակում գտնվող տղային` պատճառել ֆիզիկական ցավ և առողջության թեթև վնասի հատկանիշներ չպարունակող մարմնական վնասվածք` աջ վերհոնքային շրջանի և քթի հիմի աջ շրջանի քերծվածքների ձևով:
Գործի քննությունը ամբաստանյալի միջնորդությամբ անց է կացվել արագացված կարգով:
00:00:00
