Դեկտեմբերին թուրքական քաղաքներից մեկում բացվել է Ջոհար Դուդաեւի անվան զբոսայգի։ Չեչնիայի ղեկավարն այդ գործողության մեջ սպառնալիք է տեսել Ռուսաստանի հետ հարաբերությունների համար եւ առաջարկել է ի պատասխան Գրոզնիում հավերժացնել Քրդստանի աշխատավորական կուսակցության հիմնադրի անունը, գրում է РБК-ն։
Չեչնիայի ղեկավար Ռամզան Կադիրովը իր Telegram ալիքում թուրքական իշխանություններին մեղադրել է Ռուսաստանում հանցագործություններ կատարած և Թուրքիա փախած ահաբեկիչներին թաքցնելու մեջ։ Կադիրովը բացատրել է, որ այդ կապակցությամբ վրդովված կոչեր է ստացել Չեչնիայի խորհրդարանից, ուժային կառույցներից և հոգևորականներից։
«Բացեիբաց դիմում եմ Թուրքիայի նախագահ Ռեջեփ Թայիփ Էրդողանին՝ կողմնորոշվե՛ք՝ կա՛մ դուք ստանում եք հրապարակայնորեն ահաբեկիչներին աջակցող պետության կարգավիճակ, կա՛մ թափանցիկ և ազնիվ հարաբերություններ եք պաշտպանում Ռուսաստանի Դաշնության հետ՝ չփոխելով ձեր համոզմունքները նրա թիկունքում»,- գրել է Կադիրովը։
00:00:00
