ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանն անդրադարձել է այսօր Հայաստանի հանրապետական կուսակցության 17-րդ համագումարի ժամանակ Սերժ Սարգսյանի հնչեցրած այն մտքին, որով նա ասել է, թե ինքը թողել է բանակցային այնպիսի փաթեթ, որտեղ հայ ժողովրդի կենսական շահերը պաշտպանված էին, որտեղ Արցախի հայկական մնալը երաշխավորված էր: «Սերժն ասում է՝ մենք թողել ենք մի բանակցային ժառանգություն, որով Արցախը մնում էր ՀԱՅԿԱԿԱՆ։ Չեմ անդարդառնա ընդհանուր խոսքին, դրա հակասություններին հենց Սերժի՝ 2018-ին ԱԺ-ում ունեցած ելույթի հետ, միայն մի դիտարկում կանեմ՝ ՀԱՅԿԱԿԱՆ ձևակերպումը էնքան լղոզված է բանակցային գործընթացների նկարագրության պրիզմայից, որ ակամայից հարկ ես համարում հիշեցնել՝ այ ընկեր, Երուսաղեմի մեկ քառորդն էլ է ՀԱՅԿԱԿԱՆ։ Մենք էստեղ իրավական կարգավիճակի մասին ենք խոսում»,- գրել է Ալեքսանյանը:

Պատգամավորը հարկ է համարել նաև հիշեցնել. «Վարչապետը օրերս հայտարարել էր, որ 2018 թվականի դրությամբ առկա բանակցային բովանդակությամբ Արցախը չուներ Ադրբեջանի կազմում չգտնվելու որևէ տեսական կամ գործնական հեռանկար»։