00:00:00

Հաագայի դատարանը կհրապարակի «Հայաստանն ընդդեմ Ադրբեջանի» գործով որոշումը. Եղիշե Կիրակոսյանը մեկնում է Նիդերլանդներ

15:09, 03 դեկտեմբեր 2021 Հասարակություն

ՄԻԵԴ-ում ՀՀ ներկայացուցիչ Եղիշե Կիրակոսյանը գործուղվում է Նիդերլանդների Թագավորություն (Հաագա). որոշումը ստորագրել է վարչապետ Նիկոլ Փաշինյանը։ Կիրակոսյանը կմեկնի Հաագա՝ ՄԱԿ-ի Արդարադատության միջազգային դատարանում Հայաստանի Հանրապետության և Ադրբեջանի Հանրապետության կողմից Ռասայական խտրականության բոլոր ձևերի վերացման միջազգային կոնվենցիայի հիման վրա ներկայացված ժամանակային (հրատապ) միջոցների վերաբերյալ որոշումների հրապարակմանը Հայաստանի Հանրապետության ներկայացուցչությունն ապահովելու նպատակով։ Նա Նիդերլանդներում կլինի դեկտեմբերի 6-8-ը ներառյալ: Եղիշե Կիրակոսյանը գործուղումից վերադառնալուց հետո վարչապետին պետք է ներկայացնի գործուղման արդյունքների մասին հաշվետվություն: Հիշեցնենք՝ դեկտեմբերի 7-ին ՄԱԿ-ի Արդարադատության միջազգային դատարանը կհրապարակի իր որոշումը Ռասսայական խտրականության բոլոր ձևերի վերացման միջազգային կոնվենցիայի խախտման հիմքով Ադրբեջանի դեմ Հայաստանի կողմից ներկայացված մի շարք հրատապ միջոցների կիրառման կապակցությամբ:

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր