Հայ-ադրբեջանական սահմանը խախտելու փորձի ժամանակ հայ դիրքապահների կողմից գերեվարված վեց օտարերկրյա անձանց վերաբերյալ գործը կքննվի ԱԱԾ-ում: «Փաստինֆո»-ի տեղեկություններով՝ հարուցվել է քրեական գործ:
Հիշեցնենք, որ վեց օտարերկրյա անձանց կողմից հայ-ադրբեջանական սահմանը խախտելու փորձի և հայ դիրքապահների կողմից գերեվարվելու վերաբերյալ տեղեկությունը օրեր առաջ իր ֆեյսբուքյան էջում գրառել էր ՀՀ ՊՆ մամլո խոսնակ Արծրուն Հովհաննիսյանը:
Ավելի ուշ Արծրուն Հովհաննիսյանը նաև գրառել էր, որ «ցավում է, որ չի կարող բոլորի ցանկությունները բավարարել և ներկայացնել, թե այդ մարդիկ ովքեր էին ու ինչ նպատակով են փորձել հատել սահմանը։ Հաշվի առնելով իրենց արարքի առանձնահատկությունները իրենցով զբաղվում է ԱԱԾ- ն»,- գրառել էր Հովհաննիսյանը։
00:00:00
