ԱՄՆ Կալիֆոռնիա նահանգի հարավային շրջանում 3000 բարել նավթ է լցվել Խաղաղ օվկիանոս՝ վտանգելով տեղի կենդանական աշխարհի որոշ տեսակների գոյությունը: Ինչպես հաղորդում է CNN-ը՝ վկայակոչելով տեղի իշխանություններին, արտակարգ միջադեպը տեղի է ունեցել կիրակի Օրինջ կոմսության տարածքում գտնվող Amplify Energy գազատարի արտահոսքի պատճառով: Գազամուղի խափանումը տեղի է ունեցել Հանթինգթոն Բիչ քաղաքի ափամերձ հատվածից 8 կմ հեռավորությամբ: «Մենք սկսել են սատկած թռչուններ և ձկներ գտնել ափամերձ շրջանում»,- ասել է Օրինջ կոմսության տեսուչ Կատրինա Ֆոլին՝ հավելելով, որ կենդանական և բուսական աշխարհին մեծ վտանգ է սպառնում: ԱՄՆ ափամերձ պարեկային ծառայությունը հայտնել է, որ օվկիանոսից հաջողվել է 1218 գալոն (ավելի քան 4500 լիտր) նավթախառն ջուր դուրս բերել: «Արտահոսքի ծավալը հավասար է 126 000 գալոնի, որը պոտենցիալ բնապահպանական աղետ է»,- ասել է Հանթինգթոն Բիչի քաղաքապետ Կիմ Քարը: