Սպասվում է Գերմանիայում անօրինական գտնվող Ադրբեջանի քաղաքացիների հերթական զանգվածային արտաքսում, հաղորդում է Report-ը: Մոտ 30 ադրբեջանցի տեղափոխվել է Մյունխենի օդանավակայանի մոտ ժամանակավոր պահման կենտրոն: Հետապնդման մեջ է ավելի քան 10 մարդ, որոնց անունները գտնվում են արտաքսման ենթակա անձանց ցուցակում: Մյունխենի ոստիկանությունն այցելել է բնակարաններ, որտեղ կանգ են առել Ադրբեջանի քաղաքացիները, սակայն չի կարողացել գտնել նրանց: