Լոռու մարզի Ջրաշեն գյուղում այսօր` հուլիսի 3-ին, տեղացած ուժեղ կարկուտը մեծ վնասներ է հասցրել մշակաբույսերին: Այս մասին NEWS.am-ի հետ զրույցում ասաց Ջրաշենի համայնքապետ Վահան Ուռուսյանը: «Կարկուտը տեղացել է 17;30-ի սահմաններում, մոտ 10-15 րոպե ուժեղ կարկուտ տեղաց, բերքի 70 տոկոսը վնասվել է: Տուժել են կաղամբի մշակաբույսերը, կարտոֆիլը, հացահատիկը, որը դեռ չէին հնձել, մրգատու ծառերը, մի խոսքով` ամեն ինչ: Վաղը հանձնաժողով կկազմենք, կգնահատենք վնասների չափը, կներկայացնենք  մարզպետարան»,-ասաց նա: