Մեր ռեյտինգի աճը դուր չի գալիս իշխանություններին։ Այդ պատճառով վերջին օրերին մեր դաշինքի ներկայացուցիչների նկատմամբ իրականացվում են քաղաքական ուժեղ ճնշումներ։ Այս մասին լրագրողների հետ հանդիպման ժամանակ հայտարարեց «Պատիվ ունեմ» դաշինքի անդամ Արսեն Բաբայանը։ «Դրա ապացույցն է վերջերս Ռուբեն Խլղաթյանի նկատմամբ իրականացվող քաղաքական հետապնդումը, թե իբր Խլղաթյանն ընտրակաշառք է բաժանել։ Տևական ժամանակ է, ինչ իշխանությունները տարբեր պատրվակներով փորձում են մեզ հրավիրել քննչական մարմիններ», - ասաց Արսեն Բաբայանը։