Վստահ ենք, որ նախընտրական շրջանը միայն խոստումներ տալու, մրցակիցների նկատմամբ առավելությունը ցույց տալու համար չէ, հետպատերազմյան շրջանում քարոզարշավը նման առիթներով օգտագործելն անթույլատրելի է։Այս մասին «Պատիվ ունեմ» հուշագրի ստորագրումից առաջ հայտարարեց «Հայրենիք» կուսակցության նախագահ Արթուր Վանեցյանը։ Նա արձանագրել է, որ կանգնած ենք հայրենիքի կորստի վտանգի առաջ, ինչի ապացույցն է նաև օրերս Սյունիքում տեղի ունեցածը։ Նա նկատեց՝ մանիպուլյացիատիվ հայտարարություններով հանրությանը բաժանել են սևերի֊սպիտակների, ինչը փակուղի է։ Վանեցյանը, դիմելով ժողովրդին, ասաց՝ ուղղիր մեջքդ, կպնենք գործի, որ ապրենք։