Երեկ առավոտյան ադրբեջանական զինված ուժերը սադրիչ գործողություն են իրականացրել, հատել ՀՀ պետական սահմանը Սև լճի հատվածում: Ուզում եմ ասել, որ երեկվանից իրադրության փոփոխություն չկա: Դա նշանակում է, որ Սև լճի մերձակայքում կան ադրբեջանցի զինվորներ և այնտեղ են նաև մեր զինվորները՝ մեծ թվով: Ուզում եմ ասել, որ իրադրությունը ռազմական էսկալացիայի չի հասել, փոխհրաձգություն, բախում չկա, որովհետև երեկվանից աշխատանք է տարվում ադրբեջանցի զինվորներին այդ տարածքից դուրս բերելու ուղղույամբ: Այս մասին կառավարության նիստում հայտարարեց Նիկոլ Փաշինյանը: