ԱԺ «Լուսավոր Հայաստան» խմբակցության անդամ Սրբուհի Գրիգորյանը ֆեյսբուքյան էջում գրել է. «Սիրելի քաղաքացիներ, առավոտից տարածվող լուրերի մասով կապվել եմ Սիսական գնդի հրամանատարի, Սյունիքի մարզպետի, Զինվորների, Գորիսի քաղաքապետարանի ներկայացուցիչների, որոշ համայնքապետերի հետ։ Բախումների և վիրավորների մասին տեղեկությունները հերքվում են։ Սահմանների ճշտման հետ կապված խնդիրներ կան։ Այս պահին ընթանում են բանակցություններ»։