ՄԱԿ-ը համաշխարհային տնտեսության աճը կանխատեսում է մինչեւ 5,4 տոկոս ընթացիկ տարում: Այս մասին ասված Է համաշխարհային կազմակերպության՝ աճի հեռանկարների մասին երեքշաբթի տարածված միջնաժամկետ զեկույցում, փոխանցում է ՏԱՍՍ-ը։ Հետազոտության համաձայն՝ «2020 թվականին 3,6 տոկոսով կտրուկ անկումից հետո համաշխարհային տնտեսությունն այժմ 2021 թվականին կանխատեսում է 5,4 տոկոս աճ»: Հունվարին ՄԱԿ - ը կանխատեսում էր միայն 4,7 տոկոս աճ։ Ինչպես զեկույցի շնորհանդեսի ժամանակ նշել Է ՄԱԿ-ի գլոբալ տնտեսական մոնիթորինգի բաժնի պետ Համիդ Ռաշիդը, գլոբալ աճը պայմանավորված է «ԱՄՆ-ի եւ Չինաստանի տնտեսական ակտիվության ամրապնդմամբ» , ինչպես նաեւ պանդեմիայից հետո տնտեսության ընդհանուր վերականգնմամբ «Առեւտրի ծավալներն արդեն հասել են մինչհամաճարակային մակարդակի», - տեղեկացրել է նա: Միևնույն ժամանակ Ռաշիդը նշել է աշխարհի տարբեր տարածաշրջաններում անհավասար վերականգնման մասին։ Մասնավորապես, նա նշել է, որ «տնտեսական հեռանկարներն ավելի համեստ են Եվրոպայի համար»: