Սյունիք կատարած այցի ընթացքում ՀՀ-ում ԱՄՆ դեսպան Թրեյսին հանդիպել է մարզպետ Մելիքսեթ Պողոսյանին և համայնքների ղեկավարներ Մխիթար Զաքարյանին (Մեղրի), Առուշ Առուշանյանին (Գորիս) և Արթուր Սարգսյանին (Սիսիան): Սյունիքի մարզն ամենաշատն է տուժել համավարակի ու պատերազմի կրկնակի հարվածներից:
ԱՄՆ դեսպանատնից «Փաստինֆո»-ն տեղեկացավ, որ մարզպետն ու համայնքների ղեկավարները դեսպանին ավելի մանրամասն ներկայացրին իրավիճակը և քննարկեցին պատերազմի հետևանքով տեղահանվածներին ԱՄՆ կառավարության կողմից տրամադրվող մարդասիրական օգնության տրամադրումը:
Դեսպան Թրեյսին հայ պաշտոնյաների հետ զրույցում նաև անդրադարձավ մարզի զարգացմանն ուղղված ԱՄՆ շարունակական աջակցությանը։
«Փաստինֆո»-ի հաղորդմամբ՝ դեսպանն արդեն մի քանի օր է, ինչ գտնվում է Սյունիքում ու հանդիպումներ ունենում տեղի իշխանությունների հետ։
00:00:00
