«Հայրենիքի փրկության շարժման» ակցիան Արտաքին գործերի նախարարության շենքի մոտից տեղափոխվեց ՀՀ նախագահի նստավայրի ետնամուտքի մոտ: Շարժման մասնակիցների հավաստմամբ՝ հենց այդտեղից էր Նիկոլ Փաշինյանը մտել շենք՝ նախագահի հետ հանդիպման: Նախագահականի մոտ ևս ոստիականական մեծ ուժեր էին կուտակված, մի պահ անգամ քաշքշուկ սկսվեց հավաքվածների և ոստիկանների միջև: Ակտիվիստներից մեկը հավատացրեց, որ ոստիկանը հարվածել է իրեն: Ակցիայի ընթացքում, սակայն, մասնակիցները տեղեկացան, որ վարչապետին նախագահի նստավայրից ևս հաջողվել է աննկատ դուրս գալ: Շարժման անդամներն իրենց նախաձեռնությունը հաջողված համարեցին՝ արձանագրելով, որ Նիկոլ Փաշինյանին չի հաջողվում երկրում ազատ տեղաշարժվել: