Լեռնային Ղարաբաղում ռուսական խաղաղապահ զորախմբի ռազմական անձնակազմի տեղակայման պայմանները բարելավելու համար ՌԴ ՊՆ նյութատեխնիկական մասնագետները հնարավորինս սեղմ ժամկետներում հերթական 60 տեղանոց բլոկ-մոդուլային քաղաքն են կանգնեցրել Ասկերան գյուղում: Այս մասին հաղորդվում է Ռուսաստանի ՊՆ կայքում: Սա թվով իններորդ քաղաքն է, որը կանգնեցվել է խաղաղապահ զորամիավորման ռազմական անձնակազմի համար:
Բլոկ-մոդուլային քաղաքների տեղակայումը հնարավորություն է տալիս հարմարավետ կենսապայմաններ ստեղծել զինվորական անձնակազմի համար եւ հրաժարվել սննդի դաշտային կետերից, լոգարանից, լվացքի կետերից, դաշտային պահեստներից:
Բլոկ-մոդուլային քաղաքները լիարժեք ինքնավար օբյեկտներ են, որոնք հագեցած են կենսաապահովման համակարգերի բոլոր անհրաժեշտ բաղադրիչներով (էլեկտրամատակարարում, ինքնավար ջեռուցում, սանհանգույցներ, ջրամատակարարում, կոյուղի): Բնակվելու տեղերը հագեցած են կահույքով (մահճակալներ, պահարաններ, խոհանոցային հավաքածուներ, սեղաններ, աթոռներ, ցնցուղներ), ինչպես նաեւ կենցաղային տեխնիկայով (էլեկտրական վառարաններ, սառնարաններ, լվացքի մեքենաներ, միկրոալիքային վառարաններ, հեռուստացույցներ, օդորակիչներ, կաթսաներ):
Յուրաքանչյուր քաղաքի տարածքում կա մարզադահլիճ արհեստական ծածկով, բաղնիք, բժշկական կենտրոն, չորանոց, զինվորական հագուստի մաքրման սենյակ, հանգստի սենյակ, գրասենյակ, պահեստ, ճաշարան եւ մթերային պահեստ:
Բլոկ-մոդուլային քաղաքները արտադրվում են մասնագիտացված արդյունաբերական ձեռնարկությունների կողմից՝ ԳՕՍՏ-ի եւ տեխնիկական պայմանների պահանջների համաձայն, համապատասխանում են բոլոր սահմանված ստանդարտներին եւ պահանջներին՝ զինվորականների հարմարավետ կյանքի համար անմիջապես զորքերի տեղակայման վայրում:
00:00:00
