Սիրիայի արտգործնախարար Ֆեյսալ Միքդադը խոսել է Սիրիայի Արաբական Հանրապետությունում ռուս զինվորականների ներկայության անհրաժեշտության մասին, հայտնում է «ՌԻԱ Նովոստի» լրատվական գործակալությունը:
Արտաքին գործերի նախարարը նշել է, որ Ռուսաստանի Դաշնության հետ ընդհանուր հաղթանակներ են գրանցվել ահաբեկչության դեմ պայքարում:
«Դա չի նշանակում, որ ահաբեկչությունն ավարտվել է, քանի որ Միացյալ Նահանգները շարունակում է խրախուսել ահաբեկչական կազմակերպություններին ավելի ակտիվ լինել՝ այս տարածքում ԱՄՆ-ի ներկայությունն արդարացիորեն ապահովելու նպատակով», - ասել է Սիրիայի արտգործնախարարը՝ հավելելով, որ ահաբեկչության դեմ պայքարը շարունակվում է տարբեր ձևերով և միջոցներով:
«Սիրիայում Ռուսաստանի ռազմական ներկայությունը ոչ միայն օգտակար է, այլ անհրաժեշտ», - ասել է Սիրիայի նորանշանակ արտգործնախարարը, ով պաշտոնը ստանձնել է նոյեմբերին:
Հայտնի է, որ ԱՄՆ-ի զինվորական խմբերի դիրքերը տեղակայված են Հասաքեյի և Դեր Զորի նավթի և գազի խոշոր հանքավայրերի շուրջ, որը Սիրիայի իշխանությունների պնդմամբ ապօրինի է:
00:00:00
