Երեւանի Մոնթե Մելքոնյանի անվան թիվ 11 դպրոցի տնօրենը հերքում է տեղեկություններն այն մասին, որ դպրոցի բարձր դասարանի այն աշակերտները, ովքեր այս օրերին դպրոց չեն հաճախում, հեռացվում են դպրոցից: Նշենք, որ նման ահազանգ այսօր ստացել էր Irakanum.am-ը:  Դպրոցի տնօրեն Ռուզաննա Ազիզյանը մեզ փոխանցեց, որ տեղեկատվությունը իրականությանը չի համապատասխանում, եւ որեւէ նման դեպք դպրոցում չի եղել: Ըստ տնօրենի նման լուրեր տարածողները ամենայն հավանականությամբ  նպատակ են ունեցել դպրոցի հեղինակության վրա ազդել: