Վարչապետի թափուր պաշտոն չկա, որի համար պետք է առաջադրվել: Խորհրդարանում լրագրողների հետ զրույցում, անդրադառնալով ներքաղաքական վերջին զարգացումներին, ասաց «Լուսավոր Հայաստան» խմբակցության ղեկավար Էդմոն Մարուքյանը:
«Վարչապետը հրաժարական չի տվել՝ ո՞վ, որտեղ է առաջադրվում: Ասում եք՝ դուք առաջադրվել եք, նա առաջադրվել ա: Ոչ ոք չի առաջադրվել, վարչապետի թափուր պաշտոն չկա, որ առաջադրվեն», - ասաց պատգամավորը:
Ընդդիմադիր խմբակցության ղեկավարը նկատեց՝ տեսնում է կոչեր, որոնք կարող են տանել փակուղի: Բայց քաղաքացիական բախման մասով կարծում է, որ երկու կողմում էլ իմաստուն մարդիկ կգտնվեն, որոնք դա թույլ չեն տա:
Մարուքյանը նաև ընդգծեց՝ չի կարծում է, որ հողեը ծախել են.
«Եվ ասել եմ՝ ինչի արդյունք է այս ամենը: Ամեն ինչ կարող ենք դրա տակ դնել, բայց ես փաստ չունեմ ծախելու, պետական դավաճանության մասին»։
00:00:00
