Արցախում բուն որոնողական և փրկարարական աշխատանքներն իրականացվում են արցախցի և ռուս փրկարարների կողմից: ՀՀ արտակարգ իրավիճակների նախարարության փրկարարները ֆիզիկական աջակցություն ներկայում չեն ցուցաբերում, որովհետև այս պահին դրա կարիքը չկա, մամուլի ասուլիսի ժամանակ ասաց ԱԻ փոխնախարար Արմեն Փամբուխչյանը: Ինչ վերաբերում է հումանիտար բեռների հավաքագրման գործընթացին՝ բանախոսը տեղեկացրեց, որ Հայաստանում գործընթացը զգալի նվազել է, մինչդեռ իրենք շարունակում են ստանալ և Արցախ ուղարկել արտասահմանից եկող մարդասիրական բեռները: