Մայք Պոմպեոն, որի թեկնածությունն ԱՄՆ նախագահ Դոնալդ Թրամփն առաջադրել է երկրի պետքարտուղարի պաշտոնում, հայտարարել է, որ Ռուսաստանը, Իրանը և Թուրքիան Անկարայում հանդիպել են, որպեսզի քննարկեն, թե ինչպես կիսեն Սիրիան։ Նա նաև հայտարարել է, որ ԱՄՆ-ն կարող էր այդ բանակցությունների մասը լինել, փոխանցում է ՏԱՍՍ-ը։ Սենատորները նրան խնդրել են մեկնաբանել Անկարայում Վլադիմիր Պուտինի, Ռեջեփ Թայիփ Էրդողանի և Հասան Ռուհանիի՝ վերջերս տեղի ունեցած հանդիպումը, որոնք հաստատել են իրենց աջակցությունը Սիրիայի քաղաքական գործընթացին և կրկին ընդգծել, որ այդ երկրում հակամարտությունը չի կարող լուծում ստանալ ռազմական ճանապարհով։