Եվրախորհրդարանի մի խումբ պատգամավորներ կոչ են արել բոյկոտել Ռուսաստանում ամռանը անցկացվելիք ֆուտբոլի աշխարհի առաջնությունը: 46 պատգամավորների կողմից ստորագրված նամակը ապրիլի 18-ին ուղարկվել է Եվրամիության անդամ բոլոր 28 երկրների կառավարություններին: Նամակում պատգամավորները գրել են, որ Ռուսաստանի նախագահ Վլադիմիր Պուտինը ծաղրում է եվրոպական արժեքները, ինչի վերջին օրինակը Բրիտանիայում ռուսաստանցի նախկին հետախույզի թունավորումն է: