Թուրքիայում արտահերթ նախագահական և խորհրդարանական ընտրություններ կանցկացվեն: Այս մասին հայտարարել է նախագահ Ռեջեփ Թայիփ Էրդողանը «Ազգայնական շարժում կուսակցության» (MHP-ԱՇԿ) ղեկավար Դևլեթ Բահչելիի հետ հանդիպումից հետո:
Էրդողանը հայտնել է, որ հանդիպման ժամանակ քննարկվել է վաղաժամ ընտրություն անցկացնելու հարցը, որն օրեր առաջ բարձրացրել էր Բահչելին: Վերջինի ղեկավարած ԱՇԿ-ն և իշխող «Արդարություն և զարգացում կուսակցությունը» (AKP-ԱԶԿ) դաշինքով են մասնակցելու առաջիկա ընտրությանը:
Էրդողանը, հայտնելով, որ արտահերթ նախագահական և խորհրդարանական ընտրությունները տեղի են ունենալու 2018թ. հունիսի 24-ին, նշել է. «Պետք է րոպե առաջ ընտրությունների հարցը հանել երկրի օրակարգից»:
Նշենք, որ նախագահական և խորհրդարանական ընտրություններն նախատեսված էին 2019թ. նոյեմբերի 3-ին:
Աղբյուր`ermenihaber.am
00:00:00
