Իրավապաշտպանների միասնական թեժ գծին ահազանգեր են ստացվել, որ Երևանի տարբեր մասերից ոստիկանները բերման են ենթարկում մեծ թվով երիտասարդների: Բերման են ենթարկվում հիմնականում ուսումնական հաստատությունների, այգիների տարածքից, որտեղ երիտասարդների կուտակումներ են նկատվում: Տեղեկություններ կան Երևանի Ֆրանսիայի հրապարակից, Մաշտոցի պողոտայից, Բաղրամյան պողոտայից բերման ենթարկվածների մասին: Քաղաքացիներ են բերման ենթարկվել Ոստիկանության Շենգավիթի, Էրեբունու, Կենտրոնի, Նոր Նորքի բաժիններ, տեղեկացնում են ՀՔԱՎ-ից: