ԱՄՆ նախագահ Դոնալդ Թրամփը տեսակցել է Նյու Յորքում հոսպիտալացված կրտսեր եղբորը՝ Ռոբերտ Թրամփին, հաղորդում է ՏԱՍՍ-ը: Այլ մանրամասներ հայտնի չեն: ABC հեռուստաալիքը երեկ հայտնել է, որ Ռոբերտ Թրամփը հոսպիտալացվել է, նա ծանր հիվանդ է, սակայն չի նշվում՝ ինչ հիվանդության մասին է խոսքը: «Ես հիանալի եղբայր ունեմ, ում հետ հիասքանչ հարաբերություններ ունենք: Ես այժմ հիվանդանոցում եմ: Հուսով եմ՝ ամեն ինչ լավ կլինի»,-ասել է Թրամփն ասուլիսի ժամանակ: Նրա խոսքով՝ Ռոբերտը «ծանր ժամանակներ» է ապրում: Այս ամառ Ռոբերտ Թրամփը փորձում էր դատական կարգով արգելել երկրի ղեկավարի զարմուհի Մերի Թրամփի՝ «Չափազանց շատ եւ միշտ քիչ. Ինչպես է իմ ընտանիքը ստեղծել աշխարհի ամենավտանգավոր մարդուն» (Too Much And Never Enough: How My Family Created the World's Most Dangerous Man) գրքի հրատարակումը: Գրքում Թրամփի զարմուհին պատմում է, որ նախագահն իր ընտանիքի բացասական ազդեցության պատճառով զուրկ է մարդկանց կարեկցելու ունակությունից եւ տառապում է բազմաթիվ բարդույթներով: