Դատախազությունը դիմել է Թբիլիսիի քաղաքային դատարանին՝ միջնորդությամբ կալանքի տակ թողնել Բեսարիոն Ժվանիային՝ Վրաստանի նախկին վարչապետ Զուրաբ Ժվանիայի որդուն, հաղորդում է Նովոստի Գրուզիան:
Դատախազությունը մեղադրանք է առաջադրել 24-ամյա Բեսարիոն Ժվանիային 22-ամյա Լեւան Տոպաձեի՝ Վրաստանի խորհրդարանի նախկին պատգամավոր, գործարար Գոգա Տոպաձեի թոռան դիտավորյալ սպանության փորձի համար:
ՆԳՆ հաղորդմամբ՝ օգոստոսի 2-ին դիտավորյալ սպանության նպատակով մեղադրյալը դանակի մի քանի հարված է հասցրել Լեւան Տոպաձեին նրա սեփական տանը: Լեւան Տոպաձեի կյանքը հաջողվել է փրկել ժամանակին հասված բուժօգնության շնորհիվ:
Ժվանիային ձերբակալել են օգոստոսի 2-ին, նրանք սպառնում է 7-15 տարվա ազատազրկում:
Գործի հետաքննությունը շարունակվում է:
Զուրաբ Ժվանիան զբաղեցնում էր խորհրդարանի խոսնակի եւ վարչապետի պաշտոնները, նա ընդդիմության առաջնորդներից էր, որոնք 2003 թվականին Վրաստանում «վարդերի հեղափոխություն» իրականացրեցին: Նա մահացել է 2005 թվականին 42 տարեկան հասակում:
00:00:00
