Փարիզը կներդնի բոլոր ջանքերը ԼՂ խնդրում քաղաքական լուծման հասնելու համար: Այս մասին հայտարարել է Ֆրանսիայի ԱԳ նախարար Ժան-Իվ Լե Դրիանը երկրի խորհրդարանում ունեցած ելույթի ժամանակ, հաղորդում է «Սպուտնիկ-Արմենիան»:
Նախարարը նշել է, որ հայ-ադրբեջանական սահմանին տեղի ունեցող դեպքերը մտահոգիչ են, առավել եւս, որ բախումները եղել են ոչ թե Ղարաբաղում, այլ Հայաստանի ու Ադրբեջանի սահմանին:
«Ռազմական լուծում չի կարող լինել: Պետք է գտնել քաղաքական լուծում, եւ ես հույս ունեմ, որ այն կհաջողվի գտնել»,-ասել է նախարարը:
Նա նաեւ հիշեցրել է, որ Ֆրանսիան ԵԱՀԿ Մինսկի խմբի եռանախագահության մեջ է, որը զբաղվում է ղարաբաղյան հակամարտության կարգավորմամբ:
00:00:00
