Ռուսաստանում COVID-19-ի դեպքերի թիվը մեկ օրում աճել է 5395-ով՝ հասնելով մինչեւ  823 515-ի, լրագրողներին հայտնել են կորոնավիրուսային ինֆեկցիայի դեմ պայքարի օպերատիվ շտաբում, փոխանցում է «ՌԻԱ Նովոստի»-ն: «Ռուսաստանում վերջին մեկ օրում հաստատվել է COVID-19 կորոնավիրուսային ինֆեկցիայի 5395 դեպք 84 տարածաշրջաններում, այդ թվում հայտնաբերվել է 1620 (30,0 տոկոս) ակտիվ դեպք՝ առանց կլինիկական դրսեւորումների»,- նշված է հաղորդագրության մեջ: Հավելվում է, որ երկրում համավարակի ամբողջ ժամանակահատվածում 85 տարածաշրջաններում գրանցվել է կորոնավիրուսային ինֆեկցիայի 823 515 դեպք (+0,7 տոկոս):