Միացյալ Նահանգներում վերջին օրվա ընթացքում COVID-19-ով վարակման ավելի քան 68 հազար նոր դեպք է գրանցվել: Արդեն երրորդ օրն անընդմեջ երկրում հիվանդության զոհերի թիվը գերազանցում է հազար մարդը: Տվյալները ներկայացնում է Ջոնս Հոփկինսի համալսարանի մասնագետները, ովքեր վիճակագրություն են վարում կորոնավիրուսի վերաբերյալ: «Միացյալ Նահանգներում վերջին օրվա ընթացքում գրանցվել է կորոնավիրուսով վարակման 68 հազար 663 դեպք, մահացել է 1 114 մարդ: Մեկ օր առաջ ավելի քան 71 հազար մարդ էր վարակվել կորոնավիրուսով։ Մեկ օրվա ընթացքում գրանցվել էր 1․195 մահվան դեպք », - գրում է «ՌԻԱ Նովոստի»-ն՝ վկայակոչելով աղբյուրը: Ավելի վաղ ԱՀԿ ներկայացուցիչները հայտնել էին աշխարհում դեպքերի թվի աճի մասին: Վերջին օրվա ընթացքում այդ թիվն աճել էր ավելի քան 284 հազար մարդով եւ գերազանցել 15․29 միլիոնը: Վերջին օրվա ընթացքում մահվան դեպքերի թիվն ավելացել է գրեթե 10 հազարով եւ մոտեցել 629 հազար դեպքի: