Կոտայքի մարզպետարանի տեղեկատվության եւ հասարակայնության հետ կապերի բաժնից հայտնում են, որ.
«Hraparak.am լրատվական կայքը սույն թվականի հունիսի 7-ին հրապարակել է «Աբովյանում կորոնավիրուսով վարակված կինը մահացել է հիվանդանոցներում տեղ չլինելու պատճառով» վերտառությամբ հոդված, որում խեղաթյուրված է ներկայացված դեպքի վերաբերյալ տեղեկատվությունը:
-Կոտայքի մարզպետարանի Առողջապահության եւ սոցիալական հարցերի վարչությունը Hraparak.am կայքի խմբագրությանը հորդորում է իրականությանը չհամապատասխանող տեղեկություններ չհրապարակել եւ պահանջում ՝ անհապաղ հերքել կայքում տեղ գտած վերոնշյալ հրապարակման մեջ առկա տեղեկությունը:
