Իտալիայում կորոնավիրուսով պայմանավորված հիվանդությունից վերջին մեկ օրում մահացել է 636 մարդ, մահացության ընդհանուր ցուցանիշը համաճարակի բռնկման սկզբից ի վեր կազմում է 16 523 մարդ: Ինչպես երևում է Worldometers կայքի՝ իրական ժամանակում թարմացվող տվյալներից, կորոնավիրուսի ամենից շատ տուժած երկրում վարակվածների թիվը հասել է 132 547-ի, որոնցից 22 837-ն ապաքինվել է: Ներկա պահին ակտիվ վարակակիր է 93 187 մարդ: Հիշեցնենք, որ ավելի վաղ մեկօրյա մահացության ցուցանիշի նվազում էր գրանցվել Իտալիայում. նախօրեին Covid-19-ից երկրում մահացել էր 525 մարդ: Ողջ աշխահում մահացության ցուցանիշը գերազանցել է 73 000-ը, վարակվածներինը՝ 1.3 մլն-ը: