Մեքսիկայի նախագահ Անդրես Մանուել Լոպես Օբրադորը հայտարարել է, որ կառավարությունը նախատեսում է իջեցնել բարձրաստիճան պաշտոնյաների աշխատավարձերը հակաճգնաժամային միջոցառումների շրջանում: «Համաձայնություն է ձեռք բերվել, որի համաձայն  բարձրաստիճան պաշտոնյաների աշխատավարձերը կկրճատվեն, իսկ տարեկան պարգևավճարները չեղյալ կհայտարարվեն՝ սկսած տեղակալների պաշտոնից մինչև հանրապետության նախագահ», - ասել է Լոպես Օբրադորը՝ Twitter- ում հրապարակված հայտարարության մեջ: Նախագահը չի հստակեցրել, թե որքան կտևի աշխատավարձերի սառեցման և պարգևավճարների չեղարկման մասին որոշումը՝ ընդգծելով, որ զարգացման ազգային ծրագիրը, որին հետևել է կառավարությունն ընտրվելուց ի վեր, չի փոխվել նավթի շուկայի ճգնաժամի և կորոնավիրուսային պանդեմիայի հետևանքների պատճառով և ուղղված է երկրի ամենաաղքատ և խոցելիին բնակչությանը: