ՌԴ նախագահի մամլո քարտուղար Դմիտրի Պեսկովը լրագրողներին հայտնել է, թե ինչպես է աշխատում ՌՂ ղեկավար Վլադիմիր Պուտինը՝ հաշվի առնելով կորոնավիրուսի տարածումը կանխելուն ուղղված սահմանափակումները:
«Նախագահը դեռ աշխատում է: Տեսնում եք, որ զանգվածային միջոցառումներ, բնականաբար, ոչ ոք չի անցկացնում. այս պահին անխոհեմ կլիներ դա անել: Սակայն նախագահի աշխատանքը կատարվում է ոչ այն չափանիշներով, որոնք նշվում է սահմանափակող հրահանգներում»,- life.ru-ի փոխանցմամբ՝ ասել է Պեսկովը:
Պեսկովը հավելել է, որ Պուտինը «որտեղ ապրում է, այնտեղ էլ աշխատում է», - այդ իսկ պատճառով տանից դուրս գալու սահմանափակումները նրա համար հարաբերական բնույթ են կրում:
«Ինչ վերաբերում է դիմակներին. հանրային միջոցառումների ժամանակ, գիտեք, մենք խնդրանքով դիմում ենք բժիշկներին, որ բոլոր ներկաները միջոցառմանը կարողանան թեստեր հանձնել: Այդպես էլ Ղրիմում է տեղի ունեցել: Կարծում եմ՝ հետագայում էլ այդպես կվարվենք»,- հավելել է Պեսկովը՝ պատասխանելով լրագրողի հարցին, թե արդյոք երկրի ղեկավարը բժշկական դիմակ կրում է հանրային միջոցառումներին:
00:00:00
