Եգիպտոսի իշխանությունները մարտի 19-ից փակում են սահմանները և չորս անգամ ավելացնում զբոսաշրջային վիզայի արժեքը, հաղորդում է ATOR-ը:
Դեռ մի քանի օր առաջ Եգիպտոսի զբոսաշրջության նախարար Խալեդ Ալ-Անանին հայտարարում էր, որ երկիրը չի փակի իր սահմանները կորոնավիրուսի պատճառով, քանի որ «Եգիպտոսում անվտանգ է»:
Չնայած զբոսաշրջության նախարարի լավատեսական հայտարարություններին, վարչապետ Մուստաֆա Մադբուլին որոշում է ընդունել միջազգային թռիչքները դադարեցնել մարտի 19-31-ը: Բոլոր օտարերկրացիները կարող են լքել Եգիպտոսը մինչև այս ժամկետը:
Օտարերկրյա զբոսաշրջիկների հոսքն աջակցելու համար Եգիպտոսը 2020 թ.-ի հունիսի 1-ից մտցնում է հնգամյա զբոսաշրջային վիզա: Դրա առցանց կամ Եգիպտոսի հյուպատոսարանում ձևակերպման արժեքը կկազմի 100 դոլար: Վիզան թույլ կտա բազմակի մուտք գործել երկիր, բայց 90 օրից ոչ ավելի ժամկետով:
Նոր վիզան չի կասեցնում նախորդ միանգամյա զբոսաշրջային վիզայի վավերությունը, որը ուժի մեջ է 30 օր և արժե 25 դոլար: Ինչպես ավելի վաղ հաղորդվել էր, յուրաքանչյուր տարվա հուլիս-օգոստոս ամիսներին Լուքսոր և Ասուան օդանավակայաններ ժամանելուն պես զբոսաշրջիկները կկարողանան սովորական զբոսաշրջային վիզա ձևակերպել՝ տաս դոլար զեղչով:
