Covid-19-ի տարածման պատճառով Իտալիան բժշկական սարքավորումների սուր պակաս է զգում և հույս ունի, որ Չինաստանը կկարողանա օգնել։ Այս մասին հայտարարել է Իտալիայի արտգործնախարար Լուիջի Դի Մայոն՝ Չինաստանի արտգործնախարար Վան Իի հետ հեռախոսազրույցում: Այս մասին գրում է Ria-ն։ «Այժմ Իտալիայում համաճարակաբանական իրավիճակը ծայրահեղ ծանր է: Իտալիան ուշադիր ուսումնասիրում է Չինաստանի հաջող փորձը՝ համաճարակի դեմ պայքարում», - ասել է Դի Մայոն: Դի Մայոն հավելել է, որ Իտալիայում չինացի ներգաղթյալներն ակտիվ դեր են խաղում հիվանդության տարածման դեմ պայքարում, իտալական կողմը կշարունակի անել հնարավորը ՝ հոգ տանելու նրանց անվտանգության և առողջության մասին: Նշենք, որ Իտալիայում գրանցվել է նոր տիպի կորոնավիրուսով վարակման ավելի քան 10 հազար դեպք,  մահացել է 631 մարդ: Ընդհանուր առմամբ, ավելի քան 100 հազար մարդ արդեն վարակվել է Covid-19-ով, մեծամասնությունը վերականգնվել է, իսկ մոտ չորս հազար մարդ մահացել է: