Իրանի խորհրդարանի նորընտիր պատգամավորուհի Ֆաթեմեհ Ռահբարը շաբաթ մահացել է նոր տեսակի կորոնավիրուսի հետեւանքով, հայտնում է Tasnim-ը: Մի քանի օր առաջ վարակվելու փաստը հաստատվելուց հետո Ռահբարը հոսպիտալացվել էր Թեհրանի հիվանդանոցներից մեկում: Նրա վիճակը, սակայն, վատթարացել էր, եւ պատգամավորին միացրել էին թոքերի արհեստական օդափոխման սարքին: Վերջին խորհրդարանական ընտրությունների ժամանակ Ռահբարը պատգամավոր էր ընտրվել Թեհրանից: Նա Իսլամական կոալիցիոն կուսակցության անդամ էր եւ Իրանում առաջին հայտնի կին քաղաքական գործիչը: