ԱՄՆ Վաշինգտոն նահանգից հայտնել են Սիեթլի շրջանում նոր տեսակի կորոնավիրուսի եւս 3 զոհի մասին, հայտնում է Reuters-ը: Ըստ առողջապահության դեպարտամենտի տեղեկությունների՝ Սիեթլի շրջանում անձանց ընդհանուր թիվը, ում մոտ կորոնավիրուս է հայտնաբերվել, երեքշաբթի հասել է 27-ի: 27 դեպքից 9-ը Քիրքլանդ արվարձանի LifeCare բուժհաստատության պացիենտներն են, կորոնավիրուսի հետեւանքով մահացածներից 5-ը այդ հիվանդանոցից էին: ԱՄՆ հիվանդությունների վերահսկման եւ կանխարգելման կենտրոնների վերջին տվյալներով՝ երկրում ընդհանուր պաշտոնապես հաստատվել է կորոնավիրուսով վարակման 108 դեպք: 60 վարակակիրներ հայտնաբերվել են 12 նահանգում, ավելացրած 48 մարդ, որոնց հիմնական մասը վարակվել է Ճապոնիայի ափին գտնվող Diamond Princess նավում: