Աֆղանստանի հարցերով ԱՄՆ հատուկ ներկայացուցիչ Զալմայ Հալիլզադը եւ «Թալիբան» շարժման առաջնորդի տեղակալ, Կատարի քաղաքական գրասենյակի ղեկավար մուլլա Աբդուլլահ Հանի Բարադարը խաղաղ համաձայնագիր են ստորագրել: Ստորագրման արարողությունը տեղի է ունեցել շաբաթ օրը Դոհայում, հաղորդում է ՏԱՍՍ-ը: Փաստաթղթի ստորագրումից հետո Հալիլզադը եւ Բարադարը սեղմել են միմյանց ձեռքը: ԱՄՆ պետքարտուղար Մայք Պոմպեոն թալիբներին կոչ է արել կատարել «Ալ Քաիդայի» հետ կապերը խզելու խոստումը: