«Լոս-Անջելես Լեյքերսը» ամերիկացի լեգենդար բասկետբոլիստ Կոբի Բրայանտի հիշատակին հրաժեշտի արարողություն կկազմակերպի: Բրայանտի և իր դստեր հրաժեշտի արարողությունը կկայանա փետրվարի 24-ին «Սթեյփլս Սենթրում»: Հրաժեշտի օրն ընտրվել է Բրայանտի կնոջ` Վանեսայի, «Լեյքերսի» ղեկավարների ու մարզահամալիրի տնօրինության հետ քննարկումների արդյունքում: Հիշեցնենք` Բրայանտը հենց 24 համարի ներքո էլ հանդես է եկել կարիերայի ընթացքում: Հաղորդվում է, որ բասկետբոլիստի պատվին հուշարձան կտեղադրվի, որպեսզի ցանկացողները գան ու հարգեն խաղացողի հիշատակը: Բրայանտը, իր 13-ամյա դուստր Ջիանա Մարիա-Օնորեն և ևս 6 մարդ մահացել են հունվարի 26-ին ուղղաթիռի կործանման հետևանքով: Բասկետբոլիստը 42 տարեկան էր: Բրայանտը 20 մրցաշրջան է անցկացրել NBA-ում` մշտապես հանդես գալով «Լոս-Անջելես Լեյքերսի» կազմում: Նա 5 անգամ դարձել է NBA-ի չեմպիոն, երկու անգամ` օլիմպիական չեմպիոն: Պրոֆեսիոնալ կարիերան ավարտել է 2016 թվականին: