Ստամբուլի Սաբիհա Գյոքչեն օդանավակայանում ինքնաթիռը դուրս է եկել թռիչքուղու սահմաններից, հաղորդում է ՌԻԱ Նովոստին՝ հղում անելով Daily Sabah-ին: Պարբերականի տեղեկություններով՝ դրանից հետո ինքնաթիռում հրդեհ է բռնկվել: Պարբերականը հայտնում է նաեւ, որ բոլոր ուղեւորներին տարհանել են ֆյուզելյաժի ճեղքվածքի միջոցով: Վնասվածք է ստացել 52 մարդ, նրանց հոսպիտալացրել են: Թուրքիայի տրանսպորտի նախարարը հայտարարել է, որ զոհեր չկան: Ինքնաթիռը Իզմիր քաղաքից ուղեւորվում էր Ստամբուլ: Ինքնաթիռում 177 մարդ է եղել, 6-ը՝ անձնակազմի անդամներ: Վայրէջքի ժամանակ ինքնաթիռը դիպել է թռիչքուղուն, մասերի բաժանվել եւ այրվել: Ինքնաթիռը վայրէջք է կատարել, երբ հորդառատ անձրեւ է սկսվել: Միջադեպից հետո օդանավակայանը փակվել է, բոլոր չվերթները վերաուղղորդվել են Ստամբուլի այլ օդանավակայան: https://www.youtube.com/watch?v=35dS2mttMjA&feature=emb_logo