Թուրքիայի Էլազըղ (Խարբերդ–խմբ) նահանգում հունվարի 24–ի երեկոյան տեղի ունեցած ուժեղ երկրաշարժից հետո Twitter–ում ազգայնական թուրք կին կոչ է արել չօգնել տուժածներին։ Նեսլիսահ Քարավափուր անունով օգտատերը գրել է. «Ինձ նրանք բոլորովին չեն հետաքրքրում։ Բոլորը քուրդ են, օգնություն մի ուղարկեք նրանց։ Նրանք PKK–ին են աջակցում։ Մեր զինվորների արյունը գետնին չի մնալու»։ Նշենք, որ Էլազըղ նահանգում հունվարի 24–ի երեկոյան տեղի է ունեցել 6.8 մագնիտուդ ուժգնության երկրաշարժ, որի հետեւանքով զոհվել են 21 եւ վիրավորվել 1000–ից ավել բնակիչներ։