ԱՄՆ օդագնացության և տիեզերական տարածության հետազոտությունների ազգային գործակալությունը` ՆԱՍԱ-ն, Instagram սոցիալական կայքի իր պաշտոնական էջում լուսանկար է հրապարակել, որում տիեզերագնացները Երկրի մակերևույթին Արեգակի սկավառակի ծագելու պահն են արձանագրել: Կադրում պատկերված է Ֆիլիպինյան ծովի վրա մոլորակի մակերևույթը: Արևի ճառագայթներն ուղեծրային արևածագի ժամանակ ծովը ոսկեգույն են ներկել: Արևի ճառագայթները նաև ընդգծել են ամպերն ու դրանց ստեղծած ստվերը: Տեսարանը նկարել են Միջազգային տիեզերակայանի տիեզերագնացները: Կադրում տեղ է գտել նաև կայանի արևային պանելների մի մասը: